Jeeran Blog

Ali and Rama at their Gallery

“تعرفنا أنا على بعض عن طريق فيسبوك، وعرفنا إنه إحنا التنين بنحب التصوير وصرنا نشجع بعض، واشترينا أول كاميرا مع بعض. وإحنا خاطبين اشتركنا بسوق جارا، بعد ما الكل شجعنا إنه نعرض صورنا، كان نجاح باهر وغير متوقع، كانت كل صورنا تنباع أول بأول.

لما اشتركنا بسوق جارا السنة اللي بعدها، صاروا الناس يسألونا إذا عنّا محل فبلشت الفكرة تكبر براسنا. كنت قبل أصور كل إشي بعدين ركزت على تصوير الشارع، وعملنا مشروع ناس عمّان، ووصلت لمرحلة بحياتي قررت إنه ما بدي أشتغل بإشي غير التصوير. بعد ما تعرفت على راما، ودخلت بالتصوير أكتر صرنا نحكي إنه خلينا نعمل منها مشروع تجاري وتطور تفكيرنا كتير.

من التحديات اللي واجهناها أول إشي إنه نلاقي مكان إيجاره منيح، شفنا الايجار والخلو بمناطق مثل الويبدة وجبل عمان وكان كتير عالي. صدفة كنا مارقين بجبل عمان ولقينا هاد المحل، كان ايجاره منيح وما في خلو فأخدناه، وفتحنا المحل بأكتوبر 2016.  لما بلشنا المحل كنا بس بدنا نحط صورنا بعدين قلنا خلينا نطوّر الشغل أكتر ونتوسّع، فصرنا ندعم الأعمال اليدوية الفنية. فكنا لما نشوف حد بيعمل أعمال يدوية بتناسب أجواء محلنا، بنحطها عنّا برسم البيع، وبنساعد هدول الأشخاص على إنهم يروجوا شغلهم.

بالفترة الأخيرة عم تزيد نسبة زبائننا العرب المقيمين بالبلد، عم يحسوا بقيمة للأعمال اليدوية والفن لإنه ما في كتير أماكن بالأردن أسلوب عرضها زَينا. أنا دائماً بوصف هاد المكان إنه سوبرماركت فني، زي ما إنت بتفوت على سوبرماركت بتشوف منتجات من ناس مختلفة، إنت بتفوت هون بتشوف أعمال ناس مختلفين. الأسلوب التسويقي عنّا ماخد طابع شخصي أكتر من رسمي، مو ماخد طابع تجاري، بنحب نحكي القصة من ورا المنتج.

كل يوم إلنا بهاد المحل بيعطينا شعور صعب نوصفه، كل يوم محلنا عم يكبر وكل يوم عم نتعرف على ناس جديدة، كل يوم أحلى من التاني. حلو الواحد يكون عنده المحل تبعه ويضل يطور فيه. كل زاوية بهاد المحل فيها إشي مميز، بنحب الناس بس تيجي تاخد وقتها وتشوف كل المنتجات بالمحل. وحدة من أحلامنا إنه هاد المكان يكون زي ما هو بس بحجم أكبر زائد كافيه.”

- علي الحسني وراما سعد

صفحة جاليري علي وراما على جيران: http://jo.jeeran.com/p/ali-and-ramas-gallery-amman

جيران والجيران

Tuesday, December 26th, 2017


جيران والجيران هو ملتقى بيجمع مستخدمي جيران على أرض الواقع ليتعرفوا ويحكوا أكتر عن أماكن في مدينتهم ويتشاركوا نصائح وغيرها من الحوارات اللي بتساعد مجتمعنا على تحسين خدمات الأماكن اللي بنزورها فيه.

كانت الطلعة في مطعم ساقية الدراويش في جبل اللويبدة، اجتمعنا يوم السبت 23/12/2017 الساعة 6 مساءً وبدينا نحكي عن جيران وأهمية كتابة التقييمات والنصائح عن الأماكن اللي بنزورها بحضور الدكتورة سماح أبو جلالة – أخصائية طب الأسنان – وبحضور مستخدمي جيران الممييزين بالإضافة لفريق عمل جيران.

وكمان عملنا جلسة حواريّة مابين الدكتورة سماح أبو جلالة ممثلة عن أصحاب الأماكن المتواجدين على جيران والسيد عمر قدسي – الرئيس التنفيذي وشريك مؤسس لجيران -بالاضافة الى مستخدمي جيران، حكينا من خلالها عن بعض النقاط اللي بتهم أصحاب الأماكن من جهة والنقاط اللي بتهم المستخدمين من جهة تانية.

بعدها كان في تسليم شهادات نشكر من خلالها المستخدمين الأكثر نشاطاً على جيران واللي بيكتبوا على تقييمات عن الأماكن اللي بيزوروها بشكل دائم لحتى لنشكرهم على مساهمتهم الإيجابية في المجتمع من خلال تقييم الأماكن اللي بيزوروها على جيران، بعد هيك عملنا مسابقات بين الحضور لنسألهم عن أماكن في مدينتهم وكان التفاعل كتير جميل.

لنا لقاء في الطلعة الجاية يا جيران
صفحة عيادة الدكتورة سماح أبو جلالة على جيران: http://jo.jeeran.com/p/samah-family-dental-and-cosmetics-amman/

صفحة ساقية الدراويش على جيران: http://jo.jeeran.com/p/al-daraweesh-culture-wheel-amman/

#جيران #جيران_عمان #جيران_والجيران

 

نستمر نحن وجيراننا المميزون باكتشاف الأماكن الجديدة في مدينة عمان، وهذا الشهر وقع اختيارنا على  Tim’s Burger.

 

شاركنا في مغامرتنا هذه أسيل أجدد المختارين كجيراننا المميزين مع هنادي، رندة، سيد، فراس ومحمد. عرّفنا الشيف صبحي على العديد من أصناف البرغر الشهية التي تعد باللحم البلدي أمام أعين الزبائن. وأخبرنا عن سر تسمية Tim’s بهذا الإسم، سنبقيه سرّاً بيننا  الآن لتذهبوا أنتم وتكتشفوه بأنفسكم.

 

اعرفوا أكثر عن آراء جيراننا المميزين بِـ Tim’s Burger ولا تنسوا أن تشاهدوا الصور أيضاً!

Our Eites and Chef Subhi from Tim’s Burger

تعرف على قصة توفيميلت كما يرويها رامي هيكل.

 

“درست علم حاسوب وكنت Software Developer لفترة طويلة. عيلتنا شغلهم كان بالكاندي، جدي كان عنده مصنع حلويات وكان يسوي كل أنواع الكاندي وأنا كان عندي شغف أسوي نكهات جديدة وهيك شغلات بالبيت، ضليت أشتغل على الوصفات أكتر من سنة ونص و صاروا أصحابي وأصحاب أهلي يجربوا الأشياء اللي بعملها. صرت أشترك ببازارات ومعارض وأنا كنت لساتني موظف على رأس عملي وقتها، وكتير الناس حبوا المنتجات وصاروا يطلبو يشتروها.

 

بـ 2013، حسيت إنه بقدر أترك وظيفتي اللي كنت أشتغل فيها وأبلش Toffimelt وأكون مركز كل جهدي عليه .لما بلشت Toffimelt كنت أول إشي أعمل كل شي بالبيت، بعد فترة صار عندي رأس المال الكافي إني أفتح مشغلي الخاص. الناس عنا بالأردن بتحب الحلو العربي متل الكنافة وكان صعب إنّا نقدم منتج يناسب أذواق الناس فعملنا منتجات غورميه وصاروا الناس يتحمسوا لفكرة التوفي والكراميل وكتير عم يحبوه.

 

أكتر إشي بسعدني شخصياً لما أشوف تعابير وجه الناس اللي عم تدوق الإشي اللي أنا عم أعمله وقديش بكونوا مبسوطين وبنفس الوقت مصدومين وبصيروا يحكولي: “جد إنت اللي عملته؟” الناس ما بتعرف قديش صعب الإشي اللي عم نعمله،أي تغيير بدرجة الحرارة أو تغيير بالمكونات ممكن يخرب المنتج كله. كتير قرأت وجربت وصفات لحد ما وصلت للنتيجة والمنتج المناسب. الكل بقدر يلاقي منتجاتنا أونلاين على الموقع الالكتروني لـToffimelt وبكوزمو فرع الدوار السابع.”

- رامي هيكل

صفحة توفيميلت على جيران: http://jo.jeeran.com/p/toffimelt-amman

شوارع من عمّان

Thursday, November 23rd, 2017

#شوارع_من_عمّان هي سلسلة حلقات جديدة من جيران بنحكي فيها عن أهم شوارع عمّان وأماكنها 

..هاي المرة كان اختيارنا على شارع الرينبو لنحكيلكم أكتر عن الاماكن اللي موجودة في هالشارع القديم

 شاركونا، شو أفضل الأماكن بالنسبة الكم في شارع الرينبو؟

:رابط مشاهدة فيديو شوارع من عمّان

https://www.facebook.com/JeeranAmman1/videos/1509919495728893/

:روابط الأماكن اللي ظهرت في الفيديو

سوق جارا: http://jo.jeeran.com/p/souq-jara-amman/

فلافل القدس: http://jo.jeeran.com/p/cafeteria-al-quds-amman/

المعهد البريطاني: http://jo.jeeran.com/p/british-council-amman/

مصفاة البترول الأردنية: http://jo.jeeran.com/…/jordan-petroleum-refinery…/

كافيه سترادا: http://jo.jeeran.com/p/caffe-strada-2-amman/

فير فلاي برجر: http://jo.jeeran.com/p/firefly-burger-2-amman/

مستر لوليز: http://jo.jeeran.com/p/mr-lollies-amman/

ريماس للتحف: http://jo.jeeran.com/p/remas-antiques-amman/

الأنيس للتحف: http://jo.jeeran.com/p/al-anis-orient-antique-amman/

مكتبة الكتاب الجيد: http://jo.jeeran.com/p/the-good-book-shop-amman/

المدرسة الأهلية للبنات: http://jo.jeeran.com/p/the-ahliyyah-school-for-girls-amman/

وازاب دوغ: http://jo.jeeran.com/p/wazzup-dog-amman/

روان كيك: http://jo.jeeran.com/p/rawan-cake-3-amman/

جيرارد: http://jo.jeeran.com/p/gerard-amman/

مقهى حريم السلطان: http://jo.jeeran.com/…/hareem-al-sultan-cafe-and…/

 

Owners of Cube Burger

 

Discovering never ends with Jeeran and this time we decided to try a new restaurant called Cube Burger along with our most active members, Sayyed, Hanadi, Mohammad, Aseel, Emad, and our neweset member Faisal. A special guest, food consultant and blogger Anas Hamad joined us on this outing.

Jeeran’s active members

With their slogan being Reshaping Food, Cube Burger offers a square (cube) shaped instead of the traditionally known round bun. We tried almost everything on the menu, and what was not to love? We were overwhelmed with an amazing flavor of great foods that Cube Burger provided. Raise the ante with incredible staff and great music and you have an outstanding outing. But that’s only my opinion. Check what our most active members think and don’t forget to check the great pictures too!

Jeeran would like to personally thank the entire team of Cube Burger for having us and for their great hospitality, ensuring all guests with a phenomenal experience.

أيمن طقطاقة، صاحب رومي كافيه

شو اللي ألهمك إنك تفتح رومي؟

بـ 2011 إجيت عاللويبدة وعجبني جو اللويبدة كله عبعض، فن العمارة والتاريخ وأنا بهمني الفن المعماري لللويبدة. قبل رومي، المحل الأول اللي فتحنا بـ2011 كان أوليفا اللي هو مطعم ايطالي، أثناء هاي الفترة -وهاي كانت القصة اللي خلقت رومي-  كان عندي Cafetiera اللي هي ماكينة الاسبريسو اليدوية اللي بتنحط عالغاز، كل يوم كنت بعمل قهوة فيها مع الجيران وكان بيجي أصدقاء من الشغل على أوليفا ونشرب معهم. فمن الفكرة هاي تعرفت على صديق لبناني اسمه شفيق وبلشنا كل يوم نشرب قهوة، وأنا بعشق القهوة من زمان كفكرة وكمشروب; فكرة المقهى إنك تشوف الناس، تحكي معهم ويكون في تعددية. فإجت فكرة إنه أعمل رومي وفتحته بالـ 2013 وكانت هاي الماكينة مع المحل وكان الوحي كله ييجي منها. الماكينة انعمل عليها مش أقل من 5000 مرة وما زلت بحتفظ فيها لهلأ.

ليش اخترت رومي كإسم للمحل؟

رومي الهدف منه كان إنه يكون أول كوفي بار بعمان،  سمينا رومي نسبة لجلال الدين الرومي لإنه كان مُحب وبالأساس الفكرة كانت إنه إحنا بنحب الجميع، ما في عنا أحزاب ولا توجهات ما في أي وسم للمحل، الكل موجود بدون ما نعمل فئات للناس، رومي هو القهوة تبعت الحي اللي عالزاوية اللي بالويبدة اللي ما إلها آرمة لليوم.

شو الإشي اللي بميز رومي عن الأماكن التانية؟

من الأشياء الجميلة برومي إنه الكل بعرف بعض أو بتعرفوا عبعض من خلال حديث، وبجوز في تقريباً عشر أزواج تعرفوا عبعض برومي وتزوجوا. ورومي باليوم بدخل عليه 27 جنسية على الأقل وعنا ناس اهتماماتهم مختلفة وأعمارهم مختلفة عندك زباين من عمر ال20 للـ 88 سنة، في عنا زبونة تقريباً عمرها 78 سنة كل يوم الصبح بتيجي بتاخد كاباتشينو من عنا. هاد التنوع صعب تلاقي بأماكن في عمان.

كيف بتحس إنه رومي غير بحياتك أو بالمجتمع؟

رومي القيمة الإضافية اللي عملها للمجتمع إنه كان أول كوفي شوب بدارة الفنون، وأول كوفي شوب في الأردن داخل مكتبة واللي هي مكتبة شومان وانعمل ليتناسب مع المكتبة وليناسب ويخدم الطلاب بأسعار رخيصة كتير وهو مشروع مش تجاري إحنا مقدمينه دعم للطلاب.

شو مشاريعكم المستقبلية لرومي؟

رومي مش franchise وبنفس الوقت لو بدو ينفتحله أفرع غير، رح ينفتح بمكان ثقافي أو فني مش كمكان تجاري.

صفحة رومي على جيران:  http://jo.jeeran.com/p/rumi-coffee-bar-amman/